دواس الظلمه
مشرف
عدد المساهمات : 54
نقاط : 104
تاريخ التسجيل : 15/06/2010
 |  موضوع: QQQ الاغاني التراثيه QQQ  الجمعة يونيو 18, 2010 6:07 am | |
| هــــــــــلا....
تعالو بغيت اسمعكم الاغاني الي كانوا يغنونهن العيال
يالله اتمنى الموضوع يعيبكم ..
==========================================
ولد عمي ما بغاني ... تنقى علي واختار
تنقى ام السلاسل .. ام الشغاب الطوال
حلفت انا لزامط .. بالند وبالبياض
==========================================
يا عليا اقومي ركبي ... بيقودبج علوه
المطرح والزوالي .. جدامج ربعوه
نهار ما صبحتي .. المدفع ثوروه
الحلوى في القواطي .. والنخي نثروه
==========================================
يافاطمة بنت راشد .. يا شيخة البنات
انتي قصيره وبيضا ... والخشم مكعبات
يا قصة يا نثرية ... تنثر على الحياة
=========================================
ياعليا بنت ابوها ... والخطاب اخطبوها
سبعة ورا البيت .. والثامن عند ابوها
واحد يدق الزعفران ... والثاني يقول يا ليتني خادم ابوها.
=========================================
يابنية ما دريتي ... عن خطار لفوج
قالت لفوني غبشة .. على خيول وبوش
مصلينا الجمعه ..صقر ولد الشيوخ
يالس على الدجيجه .. يالس ويعد فلوس
يا الطاسه ياالمخبوقه .. ما ضمتهاالفلوس
=======================================
يابنيه موتي غصه ... اذا انا مريت
انا سلبت فوادج ... في السكه واتليت
يالغرفة يا الشرجيه ... بناها بو علي
حق عاشه البدويه .. بنت محمدعلي
=======================================
يرقد وليدي رقده هنيه
رقدة الغزلان في البريه
يرقد وليدي طيب الله نومه
وعدو وليدى ما هنا بمنام
========================================
عيال عمي سبعة .. خلوني باتنقى
نقيت بو طاقية .... بو يوخه ما رضى
زامط عليه بخشمه .. يا خشم اليوحره
خشمي طويل وغاوي ..شفته في المنظره .
حيا الله اللي يباني .... يسلم العشره
=======================================
عمتي مرت ابويه ... الله يسلط عليها
يوم يتها الهديه .. دستها في الزويه
تتحسبني طلاّبه .. اطلب على البيبان
ما جن ابويه تاجر ..بيصوغ لي الذهبان
=======================================
طاحت عليه نفه .. قوموا اشترولي دفه
طاح المطر برعوده .. كسر حوي سعوده
طاح المطربيد الله ... كسر حوي عبدالله
طاح المطر من فوق .. كسر حوي بنطوق
=====================================
حمامه نودي نودي .. سلمي على سعودي
سعودي ساير مكه .. بيب ثياب بو العكه
بحطه فيصندوقي .. صندوقي ماله مفتاح
والمفتاح عند الحداد .. والحداد يبغي فلوس
والفلوس عند العروس .. والعروس تبغي عيال
والعيال يبغون حليب ... والحليب عند البقر
والبقر يبغون حشيش .. والحشيش فوق اليبل
واليبل يبغي مطر ... والمطر عند الله
لا اله الا الله محمد رسول الله
.................................................. .... ملطووووووووووووووووووووووووووووش | |
|
فتكــــــاويه
vib
عدد المساهمات : 25
نقاط : 37
تاريخ التسجيل : 26/05/2010
العمر : 31
| | موضوع: رد: QQQ الاغاني التراثيه QQQ السبت يونيو 19, 2010 3:14 pm | |
| ناااااااااااااايس يسلمووووووو كتييييييير
ماشي احلى من اغااني زماان اول ..حلاااته اياام قبل ليتني عشت ويااهم
هب زمن الحيين هب شي ..... | |
|
عيون الغلا
المشرفة العامة
عدد المساهمات : 47
نقاط : 74
تاريخ التسجيل : 25/05/2010
العمر : 32
الموقع : راك
| | موضوع: رد: QQQ الاغاني التراثيه QQQ الأربعاء يونيو 23, 2010 7:52 am | |
| تسلم اخوي على اغاني مال اول | |
|
الرئيسية 
البوابة 
أحدث الصور 
التسجيل 
دخول 
